Mourino “Roma”ning qaysi futbolchilar bilan kelisholmay qolgani ma’lum bo‘ldi

Joze Mourino kutilmaganda “Roma” bosh murabbiyligidan ozod etildi. Portugaliyalik mutaxassis o‘rnini futbolchi sifatida “bo‘rilar” safida porlagan Daniele De Rossi egalladi.

Rimga 2021 yili taklif etilgan Mourinoning iste’foga chiqarilishiga jamoa etakchilari bilan ziddiyatga borgani sabablardan biri sifatida ko‘rsatildi.

Corriere dello Sport nashrining ta’kidlashicha, Jozening Kris Smolling, Rik Karsdorp, Leonardo Spinatstsola va Renatu Sanshesh kabi o‘yinchilar bilan munosabatlari tarang  holda bo‘lgan. Bu holat jamoaning natijalariga salbiy ta’sir ko‘rsatgani aytilmoqda.

Ta’kidlash joizki, Joze Mourino avval ishlagan klublarida ham etakchi o‘yinchilar bilan chiqisha olmagani tarixdan ma’lum.