Моуриньо "Рома"да Эдин Жеконинг ўрнини эгаллайдиган ҳужумчи топди

“Ньюкасл” ҳужумчиси Аллан Сент-Максимен фаолиятини Италия А Сериясида давом эттириши мумкин. Бу ҳақда Football-Italia нашри хабар тарқатмоқда.

Юқоридаги манбага кўра, 24 ёшли франциялик футболчига шахсан “Рома”нинг янги бош мураббийи Жозе Моуриньо жиддий қизиқиб қолган ва уни ўз жамоасида кўрмоқчи. Португалиялик мутахассиснинг фикрича, Сент-Максимен “Рома”да ёши ўтиб қолган Эдин Жеконинг ўрнини эгаллаши мумкин.

Аллан жорий мавсум “Ньюкасл” сафида жами 24 та ўйинда майдонга тушди. У ушбу учрашувларда ўз ҳисобига 3 та гол ҳамда 5 та голли узатма ёздириб қўйди.

 Сент-Максименнинг “қарғалар” билан амалдаги шартномаси 2026 йилга қадар имзоланган.