Моуриньо ҳаётидаги умуман кутилмаган, лекин энг зўр таклифни олади

Жозе Моуриньо мураббийлик фаолияти давомида Португалия, Испания, Англия, Италия, Туркия чемпионатларида машҳур жамоаларга устозлик қилган.

Бироқ 62 ёшли мутахассис ҳеч қачон терма жамоаларда иш юритмаган.

Fichajes нашрининг ёзишича, Моуриньога ана шундай имконият берилиши кутиляпти. Айни пайтда Туркия чемпионатида “Фенербаҳче”ни шуғуллантираётган мураббийга Португалия терма жамоасини топширишмоқчи.

Португалия футбол федерацияси 2026 йилги жаҳон чемпионати учун Моуриньони мамлакатнинг бош жамоасига жалб қилишни режалаштирган.

Таъкидлаш жоизки, Моуриньонинг ўзи ҳам Португалия терма жамоасини бошқариш орзуси борлигини бир неча маротаба айтиб ўтган. Энди у бу орзусини рўёбга чиқариши мумкин.

Португалия футболи мутасаддилари тажрибали мутахассисни терма жамоага олиб келиш учун идеал вариантларини ишлаб чиқишга киришган.