Модрич "Милан"га трансфери ҳақида: "Бу ерда эканлигимдан жуда хурсандман"

"Милан"га тиббий кўрикдан ўтиш учун келган хорватиялик ярим ҳимоячи Лука Модрич италияликлар сафига ўтиши ҳақидаги ҳис-туйғуларини баҳам кўрди.

- Бу ерда эканлигимдан жуда хурсандман, янги синовларни интизорлик билан кутяпман. Суҳбатлашиш учун ҳали вақтимиз бўлади, - деди Модрич.

Аввалроқ хабар қилинганидек, Модрич "Милан" билан бир йиллик шартнома бўйича келишувга эришган. Бунга қадар хорватиялик футболчи 13 йил давомида "Реал Мадрид" шарафини ҳимоя қилиб, 4 марта Испания чемпиони унвонини қўлга киритган ва 6 марта Чемпионлар Лигасида ғалаба қозонган.