Militao qancha muddatga safdan chiqqani ma’lum bo‘ldi!

"Real" va Braziliya terma jamoasi himoyachisi Eder Militao taxminan ikki hafta muddatga safdan chiqdi.

U Braziliya – Tunis o‘rtoqlik uchrashuvida (1:1) jarohat oldi va ikkinchi taymda almashtirildi. "Real"ning matbuot xizmati ma’lumotiga ko‘ra, futbolchida o‘ng oyog‘ining mushagi jarohatlangan. "El Partidazo de COPE" manbasiga tayangan holda, uning tiklanish jarayoni taxminan ikki hafta davom etadi.

Ma’lumot o‘rnida, 23 noyabr kuni "qirollik klubi" Ispaniya chempionati 13-turida "Elche" bilan uchrashadi.