"Milan" Shevchenko boshchiligidagi jamoani tor-mor etib, "Napoli"ga yaqinlashib oldi

A Seriya 15-turidan o‘rin olgan "Jenoa" - "Milan" uchrashuvi yakuniga etdi. Mazkur bahsda maydon egalari 0:3 hisobida raqibga imkoniyatni boy berdi. 

Milanliklar safida Ibragimovich jamoasining ilk goliga mualliflik qildi. So‘ngra Messias dubl qayd etib, hisobni yirik ko‘rinishga keltirib qo‘ydi. 



Shuningdek, mazkur uchrashuv bilan parallel tarzda "Sassuolo" - "Napoli" o‘yini ham bo‘lib o‘tdi. Unda 2:2 hisobi qayd etildi.

Fabian Ruis va Mertensning gollariga Ferrari va Skammakka javob qaytara oldi. 

Ayni damda neapolliklar A Seriya turnir jadvalida peshqadam hisoblanadi. Ulardan bir ochko kam jamg‘argan "rossonerilar" 2-o‘rinni band etgan.