"Милан" катта трансферга қўл уради

"Челси" ярим ҳимоячиси Хаким Зиеш ёзги трансферлар ойнасида жамоасини ўзгартириши мумкин. Бу ҳақда таниқли журналист Жанлука Ди Марцио хабар бермоқда. 

Маълум бўлишича, марокашлик ўйинчи хизматига А Серия чемпиони "Милан" қизиқиш билдирмоқда. Ўз навбатида Зиеш ҳам янги чорловларга тайёр ва "россонерилар" сафига ўтишга қарши эмас. 

Ўтган мавсум 29 ёшли хавбек премьер-лига доирасида 23 та ўйинда майдонга тушиб, 4 та гол ҳамда 3 та самарали узатма муаллифига айланди.