“Milan” Ibrohimovich o‘rniga zo‘r hujumchi topdi

Joriy mavsum shartnomasi yakunlanadigan Zlatan Ibrohimovich “Milan” bilan kelishuvni uzaytirmaydigan bo‘ldi.

Shuning uchun “Milan” shved hujumchisi o‘rniga boshqa to‘purar qidirayotgan edi. Milanliklar tanlovi “Shtutgart” hujumchisi Nikolas Gonsalesga tushdi. 22 yoshli argentinalik hujumchi ikkinchi Bundesligada 27 ta uchrashuvda 14 ta gol urishga erishdi.

Ayni paytda “Milan” Argentina terma jamoasida uchta uchrashuv o‘tkazishga ulgurgan hujumchiga rasmiy taklif tayyorlamoqda.