"Милан" бир йўла "Арсенал"нинг икки ҳимоячисини олиб келмоқчи

"Милан" "Арсенал" билан Александр Зинченко ва Якуб Кивер масаласида музокаралар олиб борди.

"La Gazzetta dello Sport" нашрининг хабарига кўра, шу ҳафта "Милан"нинг янги спорт директори Игли Тарега жуда яқин бўлган вакили "канонирлар" раҳбарияти билан учрашиб, иккала ҳимоячининг номзодлигини муҳокама қилган.

Taъкидланишича, "Милан"даги барча масъуллар, жумладан Таренинг ўзи ва Массимилиано Аллегри ҳам клубни, айниқса мудофаа йўналишида кучайтириш кераклигини таъкидлашмоқда.

Зинченко даражаси ва тажрибаси жиҳатидан кучли номзод ҳисобланади. Бундан ташқари, украиналик футболчининг шартномаси 2026 йилда тугашини инобатга олсак, трансфер нархи 15 миллион евродан кам бўлиши мумкин.

Кивер ўзининг кўп қирралилиги, "Специя"даги бир ярим йиллик фаолиятидан кейин А Серияни яхши билиши ва бой халқаро тажрибаси билан клубнинг эътиборини тортмоқда.