Мессининг оёқлари шишиб кетди

"Барселона" ҳужумчиси Лионель Месси Европа Чемпионлар лигасининг 1/8 финал босқичидан ўрин олган "Наполи"га қарши учрашувда жароҳат олди.

Беллашувнинг дастлабки бўлимида Калиду Кулибали аргентиналик форварднинг оёқларига кучли зарба билан тепиб юборди. Ушбу қўполлик учун баҳс бош ҳаками Жунейт Чақир пенальти белгилади.

Ушбу зарбадан сўнг Мессининг оёқлари шишиб кетди. У ўйиндан кейин оғриқларни ҳис қилгани маълум бўлди.

Клуб матбуотининг таъкидлашича, бу шунчаки кўкариш, бироз дам олганидан кейин, тўлиқ формасига кириб олади ва ЧЛнинг чорак финал учрашувларида жамоага ёрдам бера олади.

Шифокорлар ялиғланишга қарши воситалар билан Мессининг оёғини даволашни бошлаб юборишди.