Мессини Роналдунинг ёнига олиб келишади

Саудия Арабистонининг энг бадавлат клублари саккиз карра “Олтин тўп” соҳиби Лионель Мессини ўз таркибларига қўшиб олиш ҳаракатини бошлади.

TEAMtalk нашрининг хабар беришича, Саудия Арабистони инвестиция фонди мутасаддилари “Интер Майами”да ўйнаётган аргентиналик юллуз билан музокараларни қайти тиклаган.

Агар Месси Саудия Арабистони Профессионал лигасига кўчиб ўтишни маъқул кўрса, инвестиция фондига тегишли тўрт клуб – “Ал-Аҳли”, “Ал-Ҳилол”, “Ал-Иттиҳод” ёки “Ан-Наср”ни танлаши мумкин. Бу масала музокараларнинг кейинги босқичида муҳокама қилинади.

Кўпчилик узоқ йиллар давомида бир бири билан рақобатлашиб келган Месси ва Криштиану Роналдуни бир жамоа таркибида кўришни орзу қилади.

“Ан-Наср” португалиялик футболчини янги шартномага кўндирганини инобатга олсак, Месси Саудия Арабистонига кўчиб ўтишга розилик берса ва “Ан-Наср”ни танласа, миллионлаб футбол мухлисларининг орзуси амалга ошиши мумкин.