Месси ва Роналдунинг юлдузли онлари сўниб бўлган

“Манчестер Юнайтед”нинг собиқ футболчиси Гари Невилл Криштиану Роналду ва Лионель Месси ҳақидаги фикрлари билан ўртоқлашди.

- Роналду ва Мессининг фаолияти охирига етиб бораётганига ҳеч қандай шубҳа йўқ. Икки буюк футболчи ўйинида пасайиш бор, дейиш ноқулай, лекин улар ҳақиқатан сўнмоқда. Сиз бирор кимдан “жамоангизда кимларни кўришни истайсиз?”, деб сўрасангиз узоқ йиллардан кейин илк бор Роналду ва Месси номини эшитмайсиз. Улар Килиан Мбаппе, Эрлинг Холанд, Муҳаммад Салоҳ ёки Роберт Левандовскининг номини айтади.

Бу Лео ва Криш ҳамон юқори савияда ўйнаётган бўлса-да, чўққидаги жойидан узоқлашаётганини билдиради. Улар энди дунёнинг энг зўр ўйинчилари эмас, - деди Гари Невилл.