Месси танқидга лойиқ!

Машҳур собиқ футболчи Паоло Ди Канио ПСЖ ҳужумчиси Лионель Мессининг Франция чемпионатидаги ўйини танқидга лойиқ эканини таъкидлади.

- Сиз Мессини “Барселона”даги ўйинларини танқид қила олмайсиз! Агар у Франция чемпионатида бир мавсум давомида атиги иккита тўп киритганини инобатга олсак, уни бошқалардан кўпроқ танқид қилиш мумкин. Чунки сиз ўтмишдаги ишлар билан эмас, ҳозир уддалаётганларингиз билан яшашингиз керак, - деди Ди Канио.

Лионель Месси молиявий фэйр-плей туфайли бутун фаолиятини ўтказган “Барселона” билан янги шартнома туза олмади. Шундан сўнг ёзда ПСЖга кўчиб ўтган аргентиналик юлдуз янги жамоасида кутилган ўйинни намойиш қила олмаяпти.

Месси жорий мавсум Франция чемпионатида 18 та учрашувда иккита гол уриб, жамоадошларини ўнта голли пас билан таъминлади.