Месси омадсиз(ми)?!

Мадриднинг “Реал” клуби УЕФА Чемпионлар лигаси 1/8 финал босқичида ПСЖни икки ўйин натижасига кўра 3:2 ҳисобида енгди ва Париж клубини мусобақадан чиқариб юборди.

Шу тариқа, Лионель Мессининг жамоалари кетма-кет иккинчи мавсум 1/8 финалда асосий еврокубокдан чиқиб кетди. Эслатиб ўтиш лозимки, ўтган мавсум аргентиналик футболчи “Барселона” билан ЕЧЛнинг 1/8 финалида мусобақани тарк этган эди. Ўшанда “кўк-анорранглилар” ПСЖга имкониятни бой беришган.

Шунингдек, Месси охирги марта 2014/15 йилги мавсумда Чемпионлар лигаси финалига чиққанини ҳам таъкидлаш жоиз. Яни кетма-кет 7 йилдан буён Лео ҳал қилувчи баҳсга қадар етиб бора олмаяпти.