Месси нимадан норози? Бунга ҳатто ПСЖ раҳбарияти ҳам аралашган

ПСЖ ҳужумчиси Лионель Месси Франция матбуотининг унга бўлган муносабатидан “ҳайратда” эканини айтди.

Le Parisien нашрининг ёзишича, 34 ёшли аргентиналик футболчи ОАВнинг доимий танқидларидан норози. Месси аллақачон бу муаммони клуб раҳбарияти билан муҳокама қилган.

Эслатиб ўтамиз, Лео ўтган йилнинг август ойида ПСЖга эркин агент сифатида “Барселона”дан кўчиб ўтган эди. У ўтган давр мобайнида парижликлар сафида 23 та ўйин ўтказиб, 7 та гол урган ва 11 та голга ассистентлик қилган.