Месси мухлисларини хурсанд қилди

Саккиз карра “Олтин тўп” соҳиби Лионель Месси АҚШда ҳам тўпурарлик маҳоратини намойиш қилмоқда. “Интер Майами” жамоаси МЛСнинг навбатдаги учрашувида “Ди Си Юнайтед” футболчиларини 3:2 ҳисобида мағлуб этди.

Флоридаликларнинг ғалабасини айнан аргентиналик юлдузнинг самарали ўйини таъминлаб берди. Биринчи бўлимда Месси жамоадоши Тадео Альендега голли пас узатди. Ўйиннинг иккинчи ярмида эса, Леонинг ўзи илгари “Барселон”да бирга ўйнаган дўстлари – Хорди Альба ва Серхио Бускетс пасларидан кейин иккита тўп киритди.

Шу тариқа, Лионель Месси чемпионатнинг 22 та учрашувида голлари сонини 22 тага етказиб олди ва МЛС тўпурарлари рейтингида биринчи ўринга кўтарилди. Унинг ҳисобида 10 та ассист ҳам бор.

Тўпурарлар баҳсида Мессидан кейин турган “Нэшвилл” ҳужумчиси Сэм Старриж ўз ҳисобига 21 та гол ёздириб қўйган. Учинчи ўринда бораётган Денис Буанга “Лос-Анжелес” сафида 19 та гол урган.