Messi katta marrani ko‘zladi

Lionel Messi o‘zi o‘ynayotgan “Pari Sen-Jermen” jamoasining joriy mavsumdagi asosiy maqsadi haqida ma’lum qildi.

- Maqsadimiz hammaga ayon. PSJ anchadan beri Chempionlar ligasida g‘olib chiqmoqchi. O‘tgan yili “Real”ga qarshi ikkita ajoyib uchrashuv o‘tkazdik. Lekin hammasini mayda detallar hal qildi, - dedi argentinalik yulduz.

Messi Chempionlar ligasida jamoasini jiddiy sinovlar kutib turganini va futbolchilar maqsadga erishish yo‘lida har qanday to‘siqlarni engib o‘tishga tayyor ekanliklarini alohida ta’kidladi.

35 yoshli futbolchining parijliklar bilan amaldagi shartnomasi mavsum oxirida yakunlanadi. Messi faoliyati davomida Chempionlar ligasida to‘rt bor g‘olib chiqqan. Biroq, so‘nggi g‘alaba 2015 yilda qayd etilgan.