Месси иштирокида матбуот анжумани ташкил этилади

"Барселона"нинг собиқ сардори Лионель Месси Каталония клубидан кетишини эълон қилганидан кейин биринчи марта журналистлар билан гаплашади.

Журналист Фабрицио Романонинг сўзларига кўра, юлдуз футболчининг матбуот анжумани якшанба куни тушдан кейин "Камп Ноу" стадионида бўлиб ўтади.

Эслатиб ўтамиз, пайшанба куни кечқурун "Барса" Ла Лигадаги маош чегараси туфайли аргентиналик билан шартномани узайтириш имконислигини тасдиқлаган эди.

"Барселона" тарбияланувчиси ҳисобланган Месси 2000 йилдан буён клуб таркибида ўйнаб келмоқда. 2003 йилнинг ноябрида асосий таркибда дебют қилган Лео ўтган давр мобайнида жами 778 та ўйин ўтказди ва ўз ҳисобига 672 та гол ҳамда 305 голли узатма ёздириб қўйди. Месси “Барса” таркибида жами 35 совринни қўлга киритган.