Месси Европада энг зўри дея эътироф этилди

ПСЖ ҳужумчиси Лионель Месси навбатдаги статистик рейтингда биринчи ўринни эгаллади.

Аргентиналик футболчи Европанинг топ-5 лигаларида энг кўп голли вазиятларда қатнашган футболчи сифатида эътироф этилди: у жамоадошлари учун 24 та голли вазият яратган, шунингдек, ўзи ҳам 39 марта дарвоза томон зарба йўллаган. Рейтингда иккинчи ўринни Килиан Мбаппе ва Жерар Делофеу бўлишиб турибди. Улар ўз жамоаларининг 48 та ҳужумида иштирок этган. Неймар эса учинчи ўринни банд этган. Бразилиялик жами 46 марта ўз клубининг ҳужумларида фаол ҳаракат қилган.

Маълумот ўрнида, Месси жорий мавсум Франция чемпионатининг саккизта ўйинида тўртта гол урди ҳамда еттита голли узатмани амалга оширди.