Месси: "Энди менга ким пас беради, Жорди?"

Аргентиналик юлдуз Лионель Месси яқин дўсти ва жамоадоши Жорди Альбанинг футболчилик фаолиятини якунлашига муносабат билдирди.

"Раҳмат сенга, Жорди. Мен сени жуда соғинаман.

Биз бирга бошдан кечирган барча лаҳзалардан сўнг энди чап томонга қараб сени кўрмаслик мен учун ғалати бўлади...

Шу йиллар давомида менга нечта голли пас берганингга ишониш қийин... Энди менга ким пас беради?" — деб ёзди Месси испаниялик ҳимоячининг баёноти остидаги изоҳида.

Эслатиб ўтамиз, Испания терма жамоасининг собиқ аъзоси мавсум якунлангач карьерасини тугатишини ижтимоий тармоқлар орқали маълум қилди.