Месси бу ишни қаторасига 12 мавсумдан буён уддалаб келмоқда

Бугун Испания Ла Лигасининг 25-туридан ўрин олган “Барселона ” ҳамда “Эйбар” жамоалари баҳси бўлиб ўтди.

Қизиқарли кечган учрашувда 5:0 ҳисобида каталонияликлар ғалаба қозонишди. Лионель Месси эса рақиб дарвозасига 4 та гол урди ва ўзининг жорий мавсумдаги голлари сонини 23 тага етказиб олди.

Эътиборлиси, 32 ёшли аргентиналик футболчи кетма-кет 12 мавсумдан буён бир мавсумда 20 тадан кам гол урмаяпти. У сўнгги бор 2007/08 йилда 20 тадан кам гол урган эди.