Месси “Барса”га сюрприз яшириб кетган экан...

ПСЖ ҳужумчиси Лионель Месси ўтган йили августда “Барселона”ни тарк этган вақтда жамоадошларига сюрприз ташлаб кетган экан.

“Diario AS” нашрининг хабар беришича, аргентиналик юлдуз ўзидан эсдалик бўлиб қолиши учун клубнинг кийим алмаштириш хонасига шахсий совринларидан бирини яшириб кетган. Аниқроқ айтганда, Лионель 2018 йили Жоан Гампер кубогининг ҳал қилувчи баҳсда энг яхши ўйинчи сифатида ўзига берилган совринни шкафининг юқори қисмига қўйиб кетган.

Ўша учрашувда каталонияликлар “Бока Хуниорс”ним 3:0 ҳисобида енгган, Месси биттадан гол ва ассист қайд этган эди.

Манбанинг таъкидлашича, Месси ўзидан кейин бу шкафга эгалик қиладиган ўйинчи унинг совринини топиб олишини билган. Бироқ айни пайтда Мессининг эсдалигини ким олгани маълум эмас.