Messi "Barsa"dan ketganidan keyin biznes ham "o‘ldi"

Lionel Messi "Barselona"ni tark etganidan ko‘p o‘tmay, iqtidorli hujumchi Ansu Fati 10-raqamni oldi. O‘shandan beri "ko‘k-anorranglilar" muxlislari 10-raqamli futbolkalarni juda kam sotib olmoqda.

Moliyaviy muammolarni hisobga oladigan bo‘lsak, futbolkalar savdosi "Barselona" uchun katta masala. Kataloniya klubi rahbarlari 10-raqamni boshqa futbolchiga berish tashabbusi bilan chiqishi mumkin.

"Barselona" muxlislari bu raqamni Gavi, Pedri va Robert Levandovskilardan biriga berilishini ma’qullamoqda. Ulardan biri 10-raqamni olsa, futbolkalar savdosi yanada oshishi mumkin.