“Meni Gvardiola bilan solishtirmang!”

Futbolchilik davrida Angliya chempionatining eng kuchli himoyachisi bo‘lgan Vensan Kompani ayni paytda Belgiyaning “Anderlext” jamoasini boshqarmoqda. Ko‘pchilik uni “Manchester Siti” bosh murabbiyi Xosep Gvardiola bilan solishtiradi. Kompani bunga munosabatini bildirdi.

- Meni Gvardiola bilan solishtirishni bas qiling. Men bu erga kelib, “Anderlext” endi “Manchester Siti”ga aylanadi, deganim yo‘q. Biz “Anderlext”ni boricha qabul qilishimiz kerak. Jamoamiz boshqalarda farq qiladi va bu biz uchun juda muhim, - dedi Kompani.

Vensan Kompani 2008-2019 yillar davomida  “Manchester Siti” tarkibida to‘p surgan. U bir necha yil davomida Xosep Gvardiola qo‘l ostida o‘ynagan.