Menga bosim qilmanglar!

“Barselona” pleymeykeri Frenki de Yong kelasi yili Chempionlar ligasida ishtirok etmaydigan “Manchester Yunayted”ga o‘tishni istamayapti.

Manchesterliklar bosh murabbiyi Erik ten Xag esa yangi tarkibni aynan mana shu futbolchi atrofida shakllantirmoqchi va birinchi bo‘lib Frenkining transferini amalga oshirishni talab qilyapti.

Kataloniyaliklar yarim himoyachi uchun katta summa so‘ragan va bu transfer yordamida moliyaviy muammolarining bir qismini hal qilib olmoqchi.

Frenki de Yong “Barselona”da 2019 yildan beri to‘p tepyapti. Shu paytgacha jmi 138 ta uchrashuvda qatnashib, 12 ta gol va 17 ta assist muallifi bo‘ldi.