Mbappe "Real" afsonasining rekordini yangiladi

  • 15 may, 12:54
  • Ali Ahmadxo’jayev
  • 0
  • Futbol
CHERY AUTO

Madridning "Real" klubi hujumchisi Kilian Mbappe Ispaniya La Ligasining 36-turi doirasida "Malorka"ga qarshi o‘yinda (2:1) gol urdi. Bu gol frantsuz futbolchisi uchun La Ligadagi debyut mavsumida 32 o‘yinda urilgan 28-gol bo‘ldi. Shu tariqa, Mbappe "Qirollik klubi"ning sobiq hujumchisi Alfredo Di Stefanoning rekordini yangiladi. Bu haqda OptaJose'ning ijtimoiy tarmoqdagi sahifasi xabar berdi.

Tecno

1953/1954-yilgi mavsumda Argentina, Kolumbiya va Ispaniya terma jamoalarida o‘ynagan Di Stefano "Real" safidagi debyut mavsumida Ispaniya chempionatining oliy divizionida 27 ta gol urgan edi.

Umumiy olganda, Mbappe "Qirollik klubi" safida 53 ta o‘yinda maydonga tushib, 39 ta gol va 4 ta golli uzatmaga mualliflik qilgan. Di Stefano esa, "Real" safida 396 ta o‘yinda 308 ta gol urgan.

Fikrlar

Sort comment:
Fikr qoldirish uchun avtorizatsiyadan o'ting!