Mbappe rahbariyatdan ikki transferni talab qilmoqda
PSJ bilan yangi shartnoma imzolaganidan keyin Kilian Mbappe klubning transfer siyosatiga aralasha boshladi.
23 yoshli hujumchi klub xo‘jayinlaridan PSJga Frantsiya terma jamoasining ikki o‘yinchisi – “Monako” vakili Orelen Chuameni va “Barselona” yulduzi Usmon Dembeleni transfer qilishni so‘ramoqda.
Bu ikki futbolchi ham Mbappe bilan bir jamoada o‘ynash uchun o‘z klubini o‘zgartirishga tayyor.
PSJ rahbariyati Dembelenin maslahatchisi Mussa Sissoko bilan uchrashib, bo‘lajak hamkorlikni muhokama qilayotgani haqida xabarlar bor. Usmonning kataloniyaliklar bilan shartnomasi 30 iyunda tugaydi.
Chuamenini olish uchun parijliklar xarajat qilishi kerak. Chunki uning “Monako” bilan yana ikki yillik kelishuv bor.
Fikrlar