Mbappe PSJdan ketadi

PSJ hujumchisi Kilian Mbappe kelasi yozda jamoani tark etishi kutilmoqda, deb yozdi RMC Sport nashri.

Manbaning ta’kidlashicha, 23 yoshli hujumchi klub rahbariyati u bilan shartnoma imzolash chog‘ida bergan va’dalarni bajarmaganidan norozi bo‘lmoqda.

Ma’lumki, Mbappe mutasaddilardan jamoaga markaziy hujumchi olib kelishni so‘ragan va bir necha hamkasbining nomini aytgan. Xususan, Kilian Robert Levandovskini kutayotgan edi.

Bu orqali Mbappe maydonda ko‘proq erkinlikka erishini rejalashtirgan edi. Lekin klub rahbariyati frantsiyalik hujumchi kutgan o‘yinchilardan birortasini olib kelolmadi.