Мбаппе ўрнига тўрт юлдуз!

ПСЖ жамоадан кетиши аниқ бўлган Килиан Мбаппе ўрнини босишга муносиб футболчи қидиряпти.

L’Équipe нашрининг маълум қилишича, парижликлар тўрт футболчидан иборат рўйхат шакллантирди.

Асосий номзод сифатида “Наполи” ҳужумчиси Виктор Осимхен кўрсатилган. Неаполликлар нигериялик футболчи билан хайрлашишга тайёр. Бироқ ўйинчининг ўзи Англия Премьер-лигасида тўп тепишга қизиқмоқда.

ПСЖ “Наполи”нинг яна бир ҳужумкор футболчиси Хвича Кварацхелияни ҳам нишонга олган. Италияликлар грузиялик ўйинчини қўйиб юбормоқчи эмас ва унга янги битим таклиф қилиш бўйича ишлаяпти.

А Сериядан Рафаэль Леау ҳам ПСЖга ўтиши мумкин. “Милан” вакили анчадан бери парижликларни қизиқтириб келади.

Ниҳоят, тўртинчи ўйинчи Англия Премьер-лигасидан. “Манчестер Сити”дан кетишга тайёрланаётган Бернарду Силванинг харидорларидан бири айнан ПСЖ ҳисобланади. Лекин португалиялик юлдуз Испания чемпионатини маъқул кўрмоқда.