Мбаппе Неймар билан муносабатлари ҳақида гапирди

ПСЖ ҳужумчиси Килиан Мбаппе жамоадоши Неймар билан яқинда юзага келган можаро ҳақида гапирди. Футболчилар пенальти тепиш борасида жанжаллашиб қолишди. Боиси, бразилиялик футболчига Килианнинг жамоага асосий пенальти тепувчи сифатида тайинлангани ёқмади.

“Бизнинг муносабатларимиз ҳурмат асосида қурилган. Аммо бироз келишмовчиликлар бўлган пайтлар ҳам бўлади. Баъзида биз яхши дўстдек суҳбатлашамиз, баъзида эса умуман гаплашмаймиз. Бизнинг муносабатларимизнинг табиати шундай. Лекин, ҳар ҳолда, орамизда катта ҳурмат бор”, - деди Мбаппе "The Mirror"  нашрида.

Франция чемпионатининг олти тури якунларига кўра, парижликлар 16 очко билан турнир жадвалида биринчи ўринни эгаллаб турибди.