Мбаппе нега Неймарни ёқтирмаслиги маълум бўлди

L’Équipe нашри ПСЖ ҳужумчилариКилиан Мбаппе ва Неймар ўртасидаги зиддиятнинг келиб чиқиш сабабларини аниқлаштиришда давом этмоқда.

Янги сабаблардан бирига кўра, Мбаппега бир неча мавсум давомида Неймарнинг тартибсизлиги ва ишга ёндашуви ёқмай келган. Шунинг учун ҳам Килианга жамоанинг асосий юлдузи мавқеи берилганидан кейин бразилиялик ҳужумчини трансферга қўйилиши тарафдори бўлган.

Неймар эса Мбаппенинг “Реал”га ўтиб кетиши кутган. Франциялик тўпурар Мадрид клуби таклифини қабул қилмаганидан кейин  унинг “бурни” кўтарилиб кетган.

Бундан ташқари, Мбаппе жамоада жанубий америкалик ўйинчиларнинг таъсири кучлигиги ва Неймарнинг мавқеи ошиб бораётганини ҳазм қила олмаяпти.