Мбаппе: "Месси - энг зўри"

ПСЖ футболчиси Килиан Мбаппе жамоадоши Лионель Месси ҳақида фикр билдирди. Айтишича, Месси тобора клубга мослашиб бормоқда.

"У ақлбовар қилмас футболчи. Лео янги ҳаётга ва янги клубга кўникиб бормоқда. У учун хурсандман. 

Агар сизда 7та "Олтин тўп" бўлса ҳам, барибир янги жойга мослашиш учун вақт керак бўлади. Бироқ Мессининг ўйини тобора яхшиланиб бормоқда.

Мен доим айтганман: "Буюк Месси билан тўп тепиш қолганларга қараганда осонроқ". Ундан ўрганадиган жиҳатларим ҳали тугагани йўқ. Менимча, Месси футбол оламидаги энг яхши ўйинчи", - деди франциялик футболчи.