Мбаппе кеча нега захирада қолдирилди?

ПСЖ бош мураббийи Кристоф Галтье ҳужумчи Килиан Мбаппе нима учун "Ницца"га (2:1) қарши ўйинда захирада қолганига изоҳ берди.

“Мбаппе Миллатлар лигасида Данияга қарши ўйинда белидан жароҳат олган эди. Унинг асорати бутунлай йўқолмаган. Гарчи Килианнинг ўзи илк дақиқаларданоқ майдонга тушишга тайёр бўлган бўлса-да, биз уни хавф остига қўймасликка қарор қилдик", - дейди Галтье.

Килиан ўйинга 59-дақиқада қўшилди. Шундай бўлса-да, футболчи 84-дақиқада ўз ҳисобига битта гол ёздириб қўйди.

Маълумот ўрнида, Мбаппе жорий мавсумда 8 та ўйинда майдонга тушиб, 8 та гол уришни уддалаган.