Mbappe baribir "Real"da o‘ynamoqchi

PSJ hujumchisi Kilian Mbappe hamon "Real"ga o‘tishni orzu qilmoqda."The Athletic" xabariga ko‘ra, futbolchi ham, klub ham hamkorlikdan manfaatdor.

"Real Madrid" Mbappening ehtimoliy transferi OAVda muhokama qilinishini istamaydi va shuning uchun ham shaxsiy, ham ommaviy ravishda bu imkoniyatni rad etadi. O‘tgan yozda Kilianni sotib olish bo‘yicha muvaffaqiyatsiz taklifdan so‘ng Madrid klubi ehtiyotkorlik bilan harakat qilmoqda.

Frantsiyalik hujumchi yanvarda Parij jamoasini tark etmaydi. Biroq klub Mbappening "Real"da o‘ynash orzusini unutmaganini biladi. Hujumchi va klub o‘rtasida keskinlik bor.

Madridliklar Mbappening transferi borasida o‘tgan yozda ega bo‘lgan tajribasi tufayli sukut saqlamoqda. Biroq, bu yagona sabab emas. "Real Madrid" Kilianning PSJ bilan shartnomasini va klubdagi qaror qabul qilishda qo‘llagan ta’sirini hisobga olsak, har qanday jamoaga o‘tishni imkonsiz deb biladi.

Ammo agar vaziyat o‘zgarib, Mbappe yana "oddiy o‘yinchi"ga aylansa, "Real Madrid" uni sotib olishga tayyor bo‘ladi. "Qirollik klubi"da hozircha transfer uchun pul bor.