Massimo Karrera: Pirlo - bu Garri Potter

"Spartak" sobiq ustozi Massimo Karrera Italiya terma jamoasi sobiq futbolchisi Andrea Pirlo haqida iliq fikrlarni bildirib o‘tdi.

"Men uchun Garri Potter - bu Pirlo. U haqiqiy maestro", - deya aytib o‘tdi mutaxassis.

Shuningdek, u "Spartak" klubi bosh murabbiyi Domeniko Tedeskoning ishlariga ham baho berib o‘tdi.

"Spartak o‘yinlarini doimo kuzatib borishning imkoni yo‘q, o‘z ishim bilan ko‘proq band bo‘laman, bo‘sh vaqt topishim qiyinroq.

Moskvaliklar tarkibida ko‘plab yosh futbolchilar to‘p suradi. Tedesko ular yordamida juda yaxshi jamoa shakllantirishi mumkin", - deydi Karrera.