Машҳур агент мижозини “Барса”га жойламоқчи

Таниқли агент Жорже Мендеш кўплаб таниқли футболчилар манфаатларини ҳимоя қилиб келади. Португалиялик мутахассис “Интер”даги мижози Дензел Дюмфрисга бошқа жамоа топиб беришга ҳаракат қиляпти.

29 ёшли ўнг қанот ҳимоячисининг шартномасида уни июль ойи охирига қадар 25 миллион еврога трансфер қилиш ҳақида банд киритилган. Мендеш бундан фойдаланиб, Дензелнинг хизматларини “Барселона”га таклиф қилди.

Таниқли журналист Жанлуижи Лонгарининг хабар беришича, каталонияликлар Мендешнинг ташаббусини қўллаб-қувватламади.

“Барселона” ўнг қанотда Жюль Кундени ўйнатишни маъқул кўрмоқда ва клуб раҳбарияти франциялик ҳимоячи билан амалдаги шартномани узайтиришга қарор қилган.