Марсело: "Месси билан қўпол ўйнашга ҳаракат қилардим"

Бир пайтлар "Реал Мадрид" сафида тўп тепган Марсело собиқ "Барселона" ҳужумчиси Лионель Месси ҳақида ўз фикрини билдирди.

"Лионел Месси – ажойиб футболчи. Унинг ўйинини жуда юқори баҳолайман. Баъзан уни майдонда сезмай қолардим, чунки у жуда тез эди. Мен уни тўхтатишга, қўпол ўйнашга ҳаракат қилардим, лекин бу менга ҳеч қачон насиб қилмаган. У жуда чаққон футболчи", – дея Марселонинг сўзларини Barca Times келтирди.

36 ёшли бразилиялик собиқ футболчи узоқ вақт давомида "Қироллик клуби" шарафини ҳимоя қилган. У 2007 йилдан 2022 йилгача "Реал" сафида ўйнаб, жамоа билан бирга Чемпионлар Лигаси ва Испания чемпионатида ғолиб чиққан.