"Марсель" футболчисига Италия грандлари харидор

Франциянинг "Марсел" клуби ярим ҳимоячиси Адриен Рабьо фаолиятини Италия А Сериясида давом эттириши мумкин.

Маълум бўлишича, "Марсель" футболчини сотувга қўйиб, унинг трансферидан 15 миллион евро ишлаб олишни мақсад қилган. Футболчининг хизматларига Италиянинг икки клуби "Милан" ва "Ювентус" қизиқиш билдирмоқда. Француз клуби Лига-1 нинг илк турида Рабьо ва Жонатан Роунинг жанжали оқибатида икки футболчини ҳам сотиб юборишни эълон қилди. 

Маълумот учун, 30 ёшли футболчи ўтган мавсумда умумий 31 ўйинда майдонга тушиб, 10 та гол ва 6 та голли узатмани амалга оширган.