“Manchester Yunayted” yulduzi Ronaldu yoniga ketmoqchi

“Manchester Yunayted”ni tark etishi kutilayotgan Kazemiro faoliyatini Saudiya Arabistonida davom ettirishi mumkin.

Braziliyalik futbolchi “Real” va “Manchester Yunayted”da o‘zi bilan birga to‘p tepgan Krishtianu Ronaldu jamoasiga o‘tishi kutilmoqda.

Relevo nashrining yozishicha, “An-Nasr” tajribali o‘yinchini o‘z safiga qo‘shib olishga harakat qilyapti va bu yo‘lda mablag‘ni ayamasligini bildirgan.

32 yoshli futbolchi ikki yil muqaddam “Real”dan “Manchester Yunayted”ga 70,6 million evro evaziga transfer qilingan edi. Bu savdo o‘zini oqlamadi va Kazemironing narxi ayni paytda 20 million evroga tushib qolgan.