"Манчестер Юнайтед" ярим ҳимоячиси фаолиятини Италияда давом эттиради

"Манчестер Юнайтед" аъзоси Скотт Мактоминей Италиянинг "Наполи"га ўтмоқда. Ушбу трансфер борасида томонлар келишувга эришди, дея хабар бермоқда Давид Орнштейн. 

Мазкур харид учун неаполликлар 30 миллион евро сарфлайди. Бугуноқ футболчи тиббий кўрикдан ўтиш ва шартнома имзолаш учун Италияга йўлга чиқади. 

Мактоминей "Манчестер Юнайтед" академиясидан чиққан бўлиб, 2017 йилдан бери асосий жамоа сафида ўйнаб келади.