"Манчестер Юнайтед" Роналдуни қўйиб юборишга тайёр!

"Манчестер Юнайтед" ҳужумчи Криштиану Роналдуни мавсум сўнгида қўйиб юборишга тайёр. Бу ҳақда "Mirror" нашри хабар бермоқда. 

Манбанинг ёзишича, ҳамкорликдан икки томон ҳам қониқмаяпти. Агар "қизил иблислар" Чемпионлар Лигасига йўлланмани қўлга кирита олмаса, КриРо аниқ клубни тарк этади. 

Аввалроқ, португалиялик юлдузга ПСЖ қизиқаётганлиги ҳақида маълумотлар пайдо бўлганди. Парижликлар раҳбарияти Роналду ва Мессини бир жамоада кўрмоқчи. 

Жорий мавсум форвард барча мусобақаларда 28та ўйинда майдонга тушиб, 15та гол урган ва 3та голга ассистентлик қилган.