"Манчестер Юнайтед" мухлислари учун хушхабар

Ушбу мавсумда "Манчестер Юнайтед"нинг етакчи футболчисига айланиб улгурган Амад Диалло "Атлетик"ка қарши баҳс олдидан умумий гуруҳ машғулотларига қайтди. Футболчи февралда Англия Премьер-Лигаси доирасида "Тоттенхэм"га қарши кечган баҳсда тўпиғидан жароҳат олди ва мавсум сўнггига қадар сафдан чиққани маълум қилинган эди. 

Бироқ, футболчининг тикланиш жараёни кутилмаганда тезлашди ва мавсум якуни олдидан яна жамоасига ёрдам бериши мумкин. Бундан ташқари, "қизил иблислар" марказий ҳимоячиси Маттейс де Лигт ҳам жиддий жароҳатдан сўнг машғулотларга қайтди. Футболчи деярли икки ҳафта олдин МЮнинг "Ноттингем Форест"га қарши 1:0 ҳисобида учралган мағлубиятнинг биринчи бўлимида тўпиғидан жароҳат олган эди. 

Футболчиларнинг майдонга қайтиш санаси ҳали номаълум, бироқ тез орада улар майдонда кўриниш бериши мумкин.