"Manchester Yunayted" maqsadidagi futbolchi uchun qancha summa taklif qilayotgani ma’lum bo‘ldi

"Manchester Yunayted" "Vulverxempton" futbolchisi Mateus Kunya uchun 80 million evro taklif bilan chiqmoqchi. Ma’lumotlarga qaraganda, Kunyaning universallik qobiliyati va samarali harakatlari MYu murabbiylarini qiziqtirib qo‘ygan. 

"Qizil iblislar" "bo‘rilar" hujumchisi Kunyani o‘z safiga qo‘shib olishga yaqin. Jurnalist Valentin Furlan xabariga ko‘ra, 26 yoshli forvard uchun mankuniyanliklar 80 million evro to‘lashadi — 74 millioni asosiy summa, 6 millioni esa bonuslar sifatida ko‘zda tutilgan.

Braziliyalik futbolchi joriy mavsumda 34 ta uchrashuvda ishtirok etib, 17 ta gol va 6 ta golli uzatma muallifiga aylandi. Uning klub bilan shartnomasi 2029 yilgacha tuzilgan.