"Манчестер Юнайтед" ҳужумни кучайтириш учун яна бир футболчи топиб қўйди

"Борнмут" клубининг ҳужумкор ярим ҳимоячиси Жастин Клюйверт фаолиятини "Манчестер Юнайтед"да давом эттириши мумкин. Бу ҳақда CaughtOffside нашри хабар бермоқда.

Манбага кўра, "қизил иблислар" 26 ёшли нидерландиялик футболчини ҳужум чизиғини кучайтириш варианти сифатида кўриб чиқмоқда, бироқ у ягона номзод эмас. Шунингдек, Клюйвертга Премер-лиганинг яна бир нечта клублари ва Леверкузеннинг "Байер" клуби ҳам қизиқиш билдирмоқда.

Маълумотларга кўра, "Борнмут" футболчини сотиш эвазига тахминан 64 миллион евро ишлаб олишни истамоқда.

2024/25-йилги мавсумда Клюйверт барча мусобақаларда 39 та ўйинда майдонга тушиб, 13 та гол урган ва 8 та голли узатмага муаллифлик қилган.