"Манчестер Юнайтед" ҳимоячиси Ла Лигага йўл олиши мумкин!

Нидерландиялик ҳимоячи Тирелл Маласия "Манчестер Юнайтед"ни тарк этиб, Испания чемпионатига ўтишга яқин турибди. "Sky Sports" нашри хабарига кўра, 26 ёшли футболчининг хизматларига "Эльче" қизиқмоқда.

"Қизил иблислар" раҳбарияти ҳам ўз навбатида Маласияни Ла Лигага қўйиб юборишга тайёр. У манкунианликлар сафига 2022 йилнинг ёзида келиб қўшилганди. МЮ ва Тирелл ўртасидаги амалдаги меҳнат шартномаси 2026 йилнинг июнь ойи охирига қадар мўлжалланган. Ҳимоячининг нархи саккиз миллион еврони ташкил қилади.

Маълумот учун, Испания чемпионатининг дастлабки турларида "Эльче" икки бор дуранг ўйнади. Жамоа турнир жадвалида 11-ўринни эгаллаб турибди.