"Manchester Siti"ning yosh futbolchisi universitetda o‘qish uchun futboldan ketdi

"Manchester Siti" akademiyasi a’zosi Xon Vilxoft-King futbolchilik faoliyatini yakunlab, Oksford universitetida huquq bo‘yicha ta’lim olishni tanladi. Bu haqda The Guardian xabar berdi.

U 6 yoshida "Tottenxem" akademiyasiga qo‘shilgan, keyinchalik Angliyaning U-16 terma jamoasida ham o‘ynagan. O‘tgan mavsumda u "Manchester Siti" bilan shartnoma imzolab, U-21 jamoasida to‘p surgan va hatto asosiy tarkib mashg‘ulotlarida ham qatnashgan. Vilxoft-King o‘z qarori haqida shunday dedi:

"Menda futbolda motivatsiya doimo etishmas edi. Futbolni yaxshi ko‘rardim, ammo jarohatlar o‘z ta’sirini o‘tkazdi. Aqliy jihatdan o‘zimni yanada yuqori darajada sinab ko‘rishni istaganimni his qildim."