"Manchester Siti" yarim himoyachisiga "Nyukasl" qiziqish bildirmoqda

"Manchester Siti" a’zosi Kalvin Fillips qishda jamoani tark etishi mumkin. Futbolchiga bir qator klublardan takliflar tushmoqda. Ular qatoriga "Nyukasl" ham qo‘shildi, deya xabar berdi "ESPN" nashri.

Avvalroq, Fabritsio Romano yarim himoyachini boshqa jamoaga ko‘chib o‘tishi mumkinligini ta’kidlagandi. Angliyalik xavbek hozircha keyingi manzilini hal qilib olgani yo‘q. 

Eslatib o‘tamiz, Kalvin 2022 yili "shaharliklar" tarkibiga kelib qo‘shilgan. U mazkur mavsumda "Manchester Siti" tarkibida 8 ta o‘yinda maydonga tushib, bitta ham golda ishtirok etmadi.