"Manchester Siti" transferlardan voz kechdi

“Manchester Siti” qishki transferlar davrida birorta yangi o‘yinchi xarid qilmaydi. Bu haqda “shaharliklar” bosh murabbiyi Xosep Gvardiola ma’lumot berdi.

- Biz yanvarda hech qanday transferga qo‘l urmaymiz, tarkibimiz to‘liq, - dedi ispaniyalik bosh murabbiy.

Gvardiola shogirdlari bu mavsum ham Angliya premer-ligasida g‘oliblikka asosiy da’vogarlardan hisoblanadi.

Shuningdek, “Siti” futbolchilari Chempionlar ligasi guruh bosqichida “Borussiya Dortmund”, “Sevilya” va “Kopengagen”ni ortda qoldirib, birinchi o‘rinni egalladi. Gvardiola “shaharliklar” bilan Chempionlar ligasida g‘olib chiqishni orzu qilyapti.