“Манчестер Сити” фанатлари Ҳусановни “тинч” қўймаяпти!

Ўзбекистон миллий терма жамоасининг 2026 йилги жаҳон чемпионатига йўлланма олгани муносабати билан футболчиларимиз табрикларни қабул қилишда давом этмоқда.

Хусусан, бугунги кундаги энг машҳур футболчимиз Абдуқодир Ҳусанов ҳам ўз клуби “Манчестер Сити”дан табрик олди. Клуб матбуот хизмати ижтимоий тармоқлардаги расмий саҳифасига Абдуқодирнинг суратини қўйиб, “Абдуқодир Ҳусанов ва Ўзбекистон терма жамоасини жаҳон чемпионатига илк бор чиққани билан табриклаймиз!”, деб ёзиб қўйди.

 Бу табрикка “шаҳарликлар”нинг бутун дунё бўйлаб тарқалган мухлислари муносабат билдириб, Абдуқодир Ҳусанов ҳақидаги фикр-мулоҳазаларини  ёзяпти.

Sports.uz портали ушбу изоҳларни ўзбекистонлик футбол ишқибозлари эътибори ҳавола этади.

Jeremy Heatley:

Абдуқодир янги авлод ҳимоячиси, тезлиги катта, тўпни яхши бошқаради, бир сўз билан айтганда, ақлли футболчи.

Beuford Taylor:

Ўзимизнинг “Жеки Чан”ни табриклаб қўяйлик.

Assøuman:

Ҳусанов билан биз ҳам фахрланамиз.

Clîfførd Spóóñ:

Ҳусанов ўтган йили Париж Олимпиадасида ҳам жуда яхши ўйнаганини унутмаслик керак.

Jose Ramirez:

Ўзбекистон каби биринчи бор мундиалга чиққан жамоаларнинг борлиги мусобақанинг томошабоп ўтишидан далолат беради.

Wayne Wasike:

Ҳусанов эффекти. Абдуқодир орқали бутун Ўзбекистонни табриклаймиз.

Essa Tahir:

Ажойиб натижа билан табриклайман. Ўзбекистоннинг илк бор жаҳон чемпионатига чиққани бу азалий орзунинг  рўёбга чиқишидир. Мен Абдуқодир Ҳусанов ва бутун Ўзбекистон терма жамоасини қўллаб-қувватлайман.

Muhammad Naseer:

Табриклайман, Ҳусанов энг зўр ҳимоячи.

Joe-e La Flame:

Ҳусанов табриклайман. Энди энг муҳими – Гвардиола сени ўйнатсин!

Абдуқодир Ҳусанов 20 январдан бери “Манчестер Сити” футболчиси ҳисобланади. 21 ёшли марказий ҳимоячимиз якунланган мавсумда Англия Премьер-лигаси, мамлакат кубоги ва Европа Чемпионлар лигасида тўққизта учрашув ўтказиб, битта гол ҳам урди.

Transfermarkt портали экспертлари Ҳусановни 35 миллион еврога баҳоламоқда. Абдуқодир бугунги кунда Марказий Осиёнинг энг қиммат футболчиси ҳисобланади.

Файзуллаевни йўқотмаслигимиз керак!

Шомуродов Гасперининг ҳар қандай синовига тайёр!

Ҳусанов бошланиши, ўзбек футболчилари Европани забт этади!

Файзуллаев ўзини "қийнаган" мураббийдан қутилди!

Ўзбекистондек мундиалга чиқиш учун футболдан бегона одамларни йўқотиш керак!

Ҳусановнинг “Манчестер Сити”даги келажаги муҳим қарорга боғлиқ?