"Манчестер Сити" эгалари МЮ футболчисини сотиб олишмоқчи

"Манчестер Сити"нинг эгаси бўлган City Football Group "Манчестер Юнайтед" футболчисини трансфер қилиши мумкин. Гап ярим ҳимоячи Каземиро ҳақида кетмоқда, у "қизил иблислар" сафида позициясини йўқотди, бунга бош мураббий Рубен Аморимнинг келиши сабаб бўлди.

Бироқ, City Football Group 32 ёшли Каземиро билан шартнома тузишни ўзининг асосий клуби учун эмас, балки Испаниянинг "Жирона" жамоаси учун амалга ошириши мумкин. Бу ижара асосида бўлиши эҳтимоли бор, деб ёзади TodoFichajes портали.

Нуфузли Transfermarkt портали Каземиронинг нархини 12 миллион еврога баҳоламоқда. Футболчининг амалдаги шартномаси 2026 йил ўрталаригача давом этади.